काठमाडौं-नेपालले भारतविरुद्धको दोस्रो मैत्रीपूर्ण खेलमा आइतबार भोलि प्रतिस्पर्धा गर्दैछ ।
माल्दिभ्समा आयोजना हुने साफ च्याम्पियनसिपको तयारीका रहेको नेपालले भारतसँग पहिलो मैत्रीपूर्ण खेल बिहिबार खेलिसकेको छ । दोस्रो खेल भोलि साँझ पाँच बजे त्रिपुरेश्वरस्थित दशरथ रंगशालामा हुने छ । पहिलो मैत्रीपूर्ण खेलमा नेपाल र भारतले एकरएक गोलको बराबरी खेलेका थिए ।
घरेल मैदानमा सुरुवाती अग्रता जोगाउन नसक्दा नेपाल भारतसँग बराबरीमा रोकिएको थियो । भारतसँगको पहिलो मैत्रीपूर्ण खेलमा नेपालले निकै सुधारिएको प्रदर्शन गरेको थियो । तर, नेपाली राष्ट्रिय फुटबल टिमका मुख्य प्रशिक्षक अब्दुल्लाह अलमुताइरीले नेपाली समर्थकसँग माफी मागेका थिए ।
अलमुताइरीले खेलबाट नेपालीलाई खुशी बनाउन नसकेको भन्दै माफी मागेका थिए । भारतविरुद्धको पहिलो मैत्रीपूर्ण खेलबाट मिडफिल्डर नितिन थापाले राष्ट्रिय टोलीमा डेब्यु गरेका थिए । खेलको ८५ औं मिनेटमा तेज तामाङको स्थानमा मैदान प्रवेश गर्दै नितिनले डेब्यु गरेका हुन् ।
भोलिको खेलमा पनि प्रशिक्षक अलमुताइरिले केही नयाँ अनुहारलाई अवसर दिन सक्ने बताइएको छ । साफ च्याम्पियनसिप आगामी असोज १५ देखि ३० गतेसम्म आयोजना हुने तालिका रहेको छ । भारतसँगको मैत्रीपूर्ण खेलपछि नेपाली राष्ट्रिय फुटबल टोली साफको तयारीका लागि कतार जाने बताइएको छ । कतारमा केही हप्ता तयारी गरेर टोली त्यहीबाट माल्दिभ्स जानेछ ।
