२९ साउन, काठमाडौं । नेपाली कांग्रेसका २२ जना आमन्त्रित केन्द्रीय सदस्यहरुले सामूहिक रुपमा राजीनामाको घोषणा गरेका छन् । शुक्रबार केन्द्रीय समिति बैठकमा आमन्त्रित केन्द्रीय सदस्यहरुले सामूहिक रुपमा राजीनामाको घोषणा गरेका हुन् । पार्टीका पदाधिकारी र केन्द्रीय सदस्य स्वतस् महाधिवेशनमा आउने प्रावधान आमन्त्रित केन्द्रीय सदस्यको हकमा लागू नभएको भन्दै उनीहरुले असन्तुष्टि जनाएको बैठकमा सहभागी एक केन्द्रीय सदस्यले बताए ।

उनीहरुले कांग्रेसको विधानमा आमन्त्रित केन्द्रीय सदस्यलाई क्षेत्रीय प्रतिनिधि सरह अधिकार नदिएको भन्‍दै राजीनामा गरेका हुन् । पार्टीको क्षेत्रीय प्रतिनिधि सरह पनि हामीलाई अधिकार दिइएन, आमन्त्रित केन्द्रीय किरण पौडेलले भने, विधानमा आमन्त्रित केन्द्रीय सदस्यलाई विभेद गरिएकाले हामीले राजीनामा गरेका हौं ।’

उनले विधानले सबै तहको समान व्यवस्था गर्ने गरी व्याख्या गर्नुपर्ने माग गरे । उनले भने, ‘केन्द्रीय समितिका पदाधिकारी, सदस्यहरू,महाधिवेशन प्रतिनिधि,जिल्ला सभापति, क्षेत्रीय सभापति, प्रदेश सभापति, गाउँ(नगररपालिका सभापति, वडा सभापति समेत सबै तहका समितिहरूका पदाधिकारी, सदस्यहरूलाई आ–आफ्नो तहमा उम्मेदवार हुन एक अवधिको लागि स्वतस् प्रतिनिधि बन्न पाउने व्यवस्था गरियोस्।’

कांग्रेस केन्द्रीय समिति बैठक बिहीबारदेखि सभापति शेरबहादुर देउवा निवास बूढानीलकण्ठमा जारी छ ।

राजीनामा दिएका २२ जना आमन्त्रित केन्द्रीय सदस्यहरु

१ नन्दनकुमार दत्त (सुनसरी)
२ कुमार खड्का (कास्की)
३ बालकृष्ण पाण्डेय (नेजस भारत)
४ आनन्द (गोरख) विष्ट (नेजस अमेरिका)
५ नरेन्द्रकुमार चौधरी (सुनसरी)
६  हसन अन्सारी (रङ)
७  किरणराज शर्मा पौडेल (बाग्लुङ)
८ रमा कोइराला पौडेल (सुनसरी)
९ कृष्णकिशोर घिमिरे (दाङ)
१० गोपालकुमार बस्नेत (झापा)
११ सुधीरकुमार शिवाकोटी (झापा)
१२ मनोहरनारायण श्रेष्ठ (धनकुटा)
१३ ध्रुव वाग्ले (तनहुँ)
१४ मोहनसिंह राठौर (कैलाली)
१५ शम्भुलाल श्रेष्ठ (सर्लाही)
१६ अभिषेक प्रताप शाह (कपिलवस्तु)
१७ दयाराम पाण्डे (लम्जुङ)
१८।जनकराज कलौनी (डडेल्धुरा)
१९ भूमिबहादुर (विश्व) गुरुङ (स्याङ्जा)
२० दिलीप राई
२१आशाराम चौधरी
२२ राजेन्द्रबहादुर सिंह